Ժամկետը երկարացվել է
Աջակցիր «Ա1+»-ինԵւս մեկ շաբաթով' մինչեւ հունիսի 29-ը երկարացվել է «Մանկական Եվրատեսիլ»-ի հայտերի ընդունումը: Հիշեցնենք, որ հայտերի ընդունման վերջին օրը հունիսի 22-ն էր:
Այդ մասին «Ա1+»-ին հայտնեց Հանրային հեռուստատեսության գործադիր տնօրենի Հատուկ նախագծերի գծով խորհրդական Դիանա Մնացականյանը: Նա, սակայն, չնշեց, թե մասնակցության քանի հայտ է ներկայացվել' ասելով, որ թիվը կհայտարարվի վերջին օրը:
Նախորդ տարվա համեմատ' երգերի ձեւաչափում փոփոխություն չկա: Երգերի տեւողությունը պետք է լինի 2 րոպե 30 վայրկյանից մինչեւ 2 րոպե 45 վայրկյան: Երեխան անպայման պետք է լինի երգի հեղինակը, իհարկե մեծերը կարող են օգնել, բայց հեղինակային իրավունքները պետք է պատկանեն այն երեխային, ով ներկայացնում է երգը:
Այս տարի «Մանկական Եվրատեսիլ»-ը տեղի կունենա Կիեւում' նոյեմբերի 21-ին: Իսկ Հայաստանը մրցույթին մասնակցում է երրորդ անգամ:
Հիշեցնենք, որ 2007թ-ին «Եվրատեսիլ»-ին մասնակցել է «Արեւիկ» խումբը, ով իր «Երազանք» երգով գրավել է 2-րդ տեղը, իսկ գյումրեցի Մոնիկա Մանուչարովան անցյալ տարի գրավեց 8-րդ տեղը' իր «Իմ երգի հնչյունը» երգով:
