«Արմենտել»-ը տուգանվել է 8 միլիոն դրամով
Աջակցիր «Ա1+»-ինՀՀ հանրային ծառայությունները կարգավորող հանձնաժողովը որոշել է 8 միլիոն դրամի չափով տուգանել «ԱրմենՏել» ընկերությանը: Այդ մասին «Ա1+»-ին ասաց Հանրային ծառայությունները կարգավորող հանձնաժողովի մամուլի քարտուղար Մարիամ Ստեփանյանը: Հանձնաժողովի հարուցած վարույթի արդյունքում պարզվել է, որ «ԱրմենՏելի» կողմից խախտվել է երկու այլ ընկերությունների նկատմամբ էլեկտրոնային անվտանգության և ձայնային, էլեկտրոնային ծառայություններ մատուցելու կարգը: Համաձայն Հայաստանի Հանրապետության հանրային ծառայությունները կարգավորող հանձնաժողովի 2007 թվականի օգոստոսի 24-ի «Այլ լիցենզավորված անձանց հանրային էլեկտրոնային հաղորդակցության ցանցերով ելքային ձայնային ծառայությունների կարգը հաստատելու մասին» որոշման' «ԱրմենՏել» ՓԲԸ-ն ենթարկվել տույժի՝ 2-ական մլն. դրամի չափով հօգուտ այդ երկու ընկերությունների որպես փոխհատուցում և որպես լրացուցիչ տույժ եւս 2-ական մլն. դրամ: Այդ գումարները պետք է փոխանցվի պետական բյուջե:
