Միջազգային փառատոնում հաղթող է ճանաչվել հայ ոստիկանների դետեկտիվ տեսաֆիլմը (տեսանյութ)
Աջակցիր «Ա1+»-ինՄոսկվայում անցկացվել է դետեկտիվ ֆիլմերի և իրավապահներին նվիրված հեռուստահաղորդումների «Դետեկտիվեֆեստ» միջազգային 21-րդ փառատոնը։
Հեղինակավոր փառատոնին ներկայացված էր շուրջ յոթ տասնյակ երկիր՝ 1000-ից ավելի աշխատանք: Հայաստանը ներկայացրել է ոստիկանության հասարակայնության հետ կապի և լրատվության վարչությունը։
Վարչության ներկայացրած տեսաֆիլմերը տեղ էին գտել «Կեղտոտ փողեր», «Ոճիր և պատիժ» և «Աշխարհն առանց թմրանյութերի» անվանակարգերում:
Միջազգային փառատոնի ժյուրին հաղթող է ճանաչել հայկական կողմի ներկայացրած «Ինքնիրավչություն» տեսաֆիլմը՝ «Կեղտոտ փողեր» անվանակարգում:
Մրցանակը տրվել է Հայաստանի ոստիկանության հասարակայնության հետ կապի և լրատվության վարչության պետ, ոստիկանության գնդապետ Աշոտ Ահարոնյանին:
Տարբեր անվանակարգերում հաղթող ճանաչվեցին և դիպլոմների արժանացան նաև Մեծ Բրիտանիայի, Շրի Լանկայի, Ռուսաստանի, Իրանի, Հնդկաստանի, Ճապոնիայի, Ֆինլանդիայի, Հունգարիայի ներկայացուցիչները:
