Օգտագործում են միայն վերամշակված թուղթ
Աջակցիր «Ա1+»-ինԱյսօր «Արեւորդի» 2-րդ միջազգային բնապահպանական փառատոնի շրջանակում բացվեց « Էկո- Էքսպո» ցուցահանդեսը:
Պատանիները ցուցահանդեսով ցանկանում էին քարոզել, որ պետք է խնայել թուղթը, էլեկտրաէներգիան, չաղտոտել բնությունը, փրկել անհայտացման եզրին կանգնած կենդանիներին:
Թղթի վերամշակման տաղավարի երեխաներն էլ վերամշակում էին թուղթը եւ դրանցից պատրաստում գեղեցիկ կոմպոզիցիաներ:
Տիգրան Առաքելյանը պատմեց նաեւ, որ թուղթը մանրացնում եւ լցնում են ջրով լի տարրայի մեջ, անցկացնում հարիչով եւ դրանից հետո թողնում են մի քանի րոպե: Այնուհետեւ պատրաստի զանգվածը ոչ հաստ շերտով փռում են ցանցի վրա եւ արեւի ճառագայթների շնորհիվ այն չորանում է:
Ի դեպ, մեկ տոննա վերամշակված թուղթը խնայում է 17 ծառ, 320 լիտր նավթ, 4100 կիլովատ էներգիա, 3.2 խորանարդ մետր տարածք և 30 կգ օդի աղտոտում: Ի դեպ, «Արեւորդի»-ի բոլոր պլակատները պատրաստված են վերամշակված թղթից:
«Արևորդի» էկո-ակումբների երեխաները այսօր ներկայացնում էին Հայաստանի Կարմիր գրքում գրանցված կենդանիների նկարները' բարձրաձայնելով տագնապալի դարձած իրավիճակի ու նրանց պահպանության անհրաժեշտության մասին:
Այստեղ ներկայացված էր նաեւ արեւի էներգիայով աշխատող ջրային պոմպ: Այն աշխատում է ամբողջապես արեւից ստացված էներգիայի միջոցով: Այս պոմպը ավելի ինտենսիվ է աշխատում շոգ, արեւոտ եղանակին, երբ ավելի մեծ է լինում ոռոգման ջրի պահանջը:
Ի դեպ, ցուցահանդեսը ՆՓԱԿ-ում շարունակվելու է եւս 2 օր' մինչեւ հոկտեմբերի 28-ը:
