Լիլիթ Մակունցը բացառում է, որ ազգային անվտանգությանը սպառնացող երևույթի դեմ Արթուր Վանեցյանը քայլեր չձեռնարկեր
Աջակցիր «Ա1+»-ին«Իմ քայլը» խմբակցության ղեկավար Լիլիթ Մակունցը վստահ է, եթե ԱԱԾ նախկին պետ Արթուր Վանեցյանը պաշտոնավարման ընթացքում Հայաստանի անվտանգությանը վտանգ ներկայացնող կազմակերպություն լիներ, այդ թվում «Բաց հասարակության հիմնադրամներ»-ի գրասենյակը, ապա Արթուր Վանեցյանը անմիջապես միջոցներ կձեռնարկեր։
Այս մասին խորհրդարանում լրագրողների հետ հանդիպմանն ասաց Լիլիթ Մակունցը՝ անդրադառնալով Արթուր Վանեցյանի հարցազրույցին, որում լրագրողի հարցին, թե Հայաստանում «Սորոսի» գրասենյակի դեմ լայնամասշտաբ պայքար է ընթանում, արդյոք «Սորոսի» գրասենյակի գործունեությունը Հայաստանի Հանրապետության համար վտանգներ պարունակո՞ւմ է, Արթուր Վանեցյանը նշել էր՝ «Եթե կարճ պատասխանենք՝ այո»։
«Եթե պարոն Վանեցյանը այդ գործողությանը չի դիմել, ուրեմն պետք է համոզված լինենք, որ նման վտանգ նա չի տեսել։ Մենք, իհարկե, այս պահին անձի մասին ենք խոսում, բայց այդ ինստիտուտները անձերով պայմանավորված չեն, և պարոն Վանեցյանի այդ դիրքորոշումը հիմնված է եղել այն վերլուծությունների վրա, որը նրան ներկայացվել է։ Այս պարագայում նրա մեկնաբանությունները ինձ մոտ տարակուսանք ենք առաջացնում, և ես կարծում եմ, որ եթե այդ հարցով դիմեք նրան, նա պարզաբանում կտա»,- եզրափակեց Լիլիթ Մակունցը։
