Պետք չէ այս հայտարարությունները որակել մեկի պարտություն, մեկի հաղթանակ․ Նաիրա Զոհրաբյան (տեսանյութ)
Աջակցիր «Ա1+»-ինԱԺ «Բարգավաճ Հայաստան» խմբակցության անդամ Նաիրա Զոհրաբյանը նույնպես համոզված է, որ ԵԽԽՎ Հայաստանի հարցերով համազեկուցողների և Վենետիկի հանձնաժողովի նախագահ Ջոանի Բուքիքիոյի հայտարարություններն ուղղված են Հայաստանի իշխանությանը։
Այս մասին խորհրդարանում լրագրողների հետ զրույցում ասաց տիկին Զոհրաբյանը։
«Պետք չէ այս հայտարարությունները որակել ինչ-որ մեկի պարտություն, ինչ-որ մեկի հաղթանակ, կամ ինչ-որ մեկին սրանով փռեցին ասֆալտին։ Սրանք աշխատանքային փաստաթղթեր են, պետք չէ այս հայտարարությունների աշխատանքային խորհուրդների առաջարկությունների նոմինալ արժեքը դարձնել քաղաքական գործոն։ Բայց ես այս 2 հայտարարությունները հասկացել եմ այնպես, ինչպես Էդմոն Մարուքյանը»,- նշեց Նաիրա Զոհրաբյանը։
Նշենք, որ «Լուսավոր Հայաստան՛ խմբակցության ղեկավարը ևս ասել է, որ ԵԽԽՎ Հայաստանի հարցերով համազեկուցողների և Վենետիկի հանձնաժողովի նախագահ Ջոանի Բուքիքիոյի հայտարարություններն ուղղված են Հայաստանի իշխանությանը։
Ըստ Նաիրա Զոհրաբյանի՝ պետք է բացառվի ցանկացած անհարկի քաղաքական կամ անձնական ճնշում դատավորների վրա։
Մանրամասները՝ տեսանյութում։
