Վերջին օրերին աննախադեպ ավելացել են հրդեհները․ Ֆելիքս Ցոլակյան (տեսանյութ)
Աջակցիր «Ա1+»-ինԿառավարության նիստին Արտակարգ իրավիճակների նախարար Ֆելիքս Ցոլակյանը հայտարարեց, որ վերջին օրերին աննախադեպ ավելացել են հդեհները։
«Օրական մինչև 100 հրդեհ ենք ունենում, որն այս սեզոնին շատ բաձր ցուցանիշ է, և դժվարություն է առաջանում մի տեղից մյուսը գնալու, հրդեհները մարելու հետ կապված։ Կարծում եմ, որ տարածքային կառավարման մարմիննները պետք է սրանով շատ լուրջ զբաղվեն։ Գյուղացիները իրենց այգիների ավելցուկը հավաքում ու այրում են, ինչից հետո չեն կարողանում հետևել, ու կրակը տարածվում է։ Կրակի տարածման հիմնական աղբյուրը սա է»,- ընդգծեց նախարարը։
Ըստ Ֆելիքս Ցոլակյանի՝ անտառներում նույնպես հրդեհներ են լինում, որն այս սեզոնին հատուկ չէ։
«Կոնկրետ երեկ ունեցել ենք 95 հրդեհ։ Իմ խնդրանքն է, որ բոլոր մարմինները ուշադիր լինեն, հիմնականում՝ համայնքների ղեկավարները հետևեն, որ նման դեպքեր չլինեն»,- ասաց նա։
Նախարարը խնդրեց, որ հանձանարականներ տրվեն, որպեսզի ուշադրություն դարձնեն նման դեպքերին։
Փոխվարչապետ Տիգրան Ավինյանը Տարածքային կառավարման և ենթակառուցվածքների նախարարի տեղակալ Վաչե Տերտերյանին հորդորեց մանրամասն զրուցել Արտակարագ իրավիճակների նախարարի հետ, հասկանալու, թե ի՞նչ միջոցառումների անհրաժեշտություն կա և կապվել համապատասխան մարմինների հետ։
