Արցախում մեկնարկել է նախագահական ընտրությունների երկրորդ փուլը․ ուղիղ (տեսանյութ)

Արցախի Հանրապետությունում մեկնարկել է նախագահական ընտրությունների երկրորդ փուլը։

Համաձայն ԱՀ ոստիկանության տրամադրած տվյալների` քվեարկությանը մասնակցելու իրավունք ունի  103 637  ընտրող: 

Հիշեցնենք, որ մարտի 31-ին Արցախում տեղի ունեցան համապետական ընտրություններ։  ԱՀ նախագահի 14 թեկնածուներից առավելագույն ձայներ էին հավաքել Արայիկ Հարությունյանը, որը ստացել էր ընտրության մասնակիցների քվեների 49,26 տոկոսը, եւ ԱՀ արտգործնախարար Մասիս Մայիլյանը (26,4 տոկոս)․ նրանց անցան երկրորդ փուլ։

Նշենք նաեւ, որ ապրիլի 12-ին, կորոնավիրուսով պայմանավորված, Արցախում մեկ ամսով հայտարարվեց արտակարգ իրավիճակ։ Ընտրությունների երկրորդ փուլը, սակայն, արտակարգ իրավիճակով պայմանավորված՝ չհետաձգվեց։