A
A
Անվճար մամոգրաֆիկ հետազոտություն Լոռու մարզում՝ 50-ից 69 տարեկան կանանց համար
Աջակցիր «Ա1+»-ինԼոռու մարզպետարանից հայտնում են, որ Վանաձոր քաղաքում հոկտեմբեր ամսից կմեկնարկի կրծքագեղձի մամոգրաֆիկ սքրինինգային ծրագիր: Գերժամանակակից շարժական մամոգրաֆը գտնվում է «Վանաձորի բժշկական կենտրոն» ՓԲԸ-ի տարածքում:
Առաջիկա 6 ամիսների ընթացքում այն կիրականացնի կրծքագեղձի քաղցկեղի վաղ հայտնաբերման լայնածավալ սքրինինգ։
Վանաձոր քաղաքի և Գուգարքի տարածաշրջանի գյուղական համայնքների ընտանեկան բժիշկները /թերապևտները կարող են 50-69 տարեկան բոլոր կանանց ուղեգրել՝ անցնելու անվճար մամոգրաֆիկ հետազոտություն:
Լոռու մարզպետարանի առողջապահության և սոցիալական ապահովության վարչությունը անհրաժեշտության դեպքում կտրամադրի հավելյալ տեղեկություններ:
