Ոստիկանությունը բերման ենթարկեց «Կամք»-ի առաջնորդին, ով միացել էր «ԼՀԿ»-ի ակցիային (տեսանյութ)

Ազգային ժողովի մոտ Արայիկ Հարությունյանի հրաժարականի պահանջով հավաքված «Լուսավոր Հայաստան» կուսակցության ներկայացուցիչներին միացման նաև «Կամք» հասարակական նախաձեռնության անդամները։

Նրանք ողջունեցին ԼՀԿ-ի նախաձեռնությունը: «Կամքի» գործողություններին միջամտեց ոստիկանությունը, քանի որ նրանք ակցիան սկսեցին Բաղրամյան փողոցի երթևեկելի հատվածում։ Իրավիճակը լարվեց այն աստիճան, որ «Կամք» նախաձեռնության ղեկավար Վահագն Չախալյանին ոստիկանները բերման ենթարկեցին։

Հիշեցնենք «Կամքը» ևս տևական ժամանակ ակցիաներ էր իրականացնում նույն պահանջով, պատրաստվում է նաեւ հանրահավաքի։