Կանադան կոչ է արել հարգել հումանիտար զինադադարի հաստատման պայմանավորվածությունը
Աջակցիր «Ա1+»-ինԿանադայի Արտաքին գործերի նախարար Ֆրանսուա-Ֆիլիպ Շամպայնը կոչ է արել հարգել Հայաստանի և Ադրբեջանի միջև հումանիտար զինադադարի հաստատման վերաբերյալ ձեռք բերված պայմանավորվածությունը: Այս մասին նախարարը գրել է «Թվիթեր»-ի իր միկրոբլոգում, ՀՀ արտաքին գործերի նախարար Զոհրաբ Մնացականյանի հետ ունեցած հեռախոսազրույցից հետո:
«Քիչ առաջ խոսեցի Զոհրաբ Մնացականյանի հետ: Կանադան ողջունում է հումանիտար զինադադարը Լեռնային Ղարաբաղում: Այն պետք է հարգվի, որպեսզի կանխվեն քաղաքացիական բնակչության նոր տառապանքները: Մենք կոչ ենք անում արտաքին խաղացողներին` հեռու մնալ այս հակամարտությունից և սատարում ենք ԵԱՀԿ Մինսկի խմբի համանախագահների կողմից վերիֆիկացիոն մեխանիզմների ստեղծմանը»,- գրել է Շամպայնը:
Just spoke to @ZMnatsakanyan. ?? welcomes the humanitarian ceasefire in #NagornoKarabakh. It must be respected to prevent more civilian suffering. We call on external parties to stay out of this conflict & support the creation of a verification mechanism by @OSCE Minsk Co-Chairs.
— François-Philippe Champagne (FPC) ?? (@FP_Champagne) October 18, 2020
