Մենք ունենք ստորագրված պայմանագիր, որը մեր բոլորի կարծիքով մի խայտառակ փաստաթուղթ է և այն մեզ դնում է շատ ծանր վիճակի մեջ։ Այս մասին ֆեյսբուքյան ուղիղ եթերում հայտարարեց ԼՀԿ ղեկավար Էդմոն Մարուքյանը։

 

«Որևէ մեկը չէր կարող սպասել, որ ժողովրդին 40 օր կասեն դուք հաղթում եք և վերջում կասեն՝ պարտվել եք։ Երբ սեպտեմբերի 27-ին հարձակվել են ՀՀ շահերի, այսինքն՝ Արցախի վրա, վարչապետը ելույթ ունեցավ և ասաց՝ եկեք պայմանավորվենք, որ ինչ էլ լինի չենք ընդունելու, որ մենք պարտվել ենք։ Պատերազմի առաջին օրը նա խոսում էր պարտության մասին»։

 

Մարուքյանը հիշեցրեց՝ խորհրդարանական ընդդիմության ղեկավարներով պահանջել են անվտանգության խորհրդի նիստ, որովհետև գիտեին, որ վիճակը ծանր է, բայց շարունակաբար մարդկանց ասում են՝ հաղթել են։ Վերջին անգամ վարչապետին դիմելուց հետո Մարուքյանն ասում է՝ ստացել է պատասխան թե վիճակը կայուն չէ, կխոսեն կայունացումից հետո, հանդիպումը տեղի չի ունենում, բայց մի քանի ժամ հետո ստորագրվում է այս փաստաթուղթը,-ասում է Մարուքյանն ու հավելում․

 

«Բոլորին խաբել են։ Այսօր ես հանդիպել եմ Հայաստանի զինուժի գլխավոր շտաբի պետի հետ, ով Սահմանադրությամբ ամենաբարձր զինվորական մարդն է երկրում։ Ես հարց եմ բարձրացրել՝ կա նախաձեռնություն ԲՀԿ-ի կողմից, որ ռազմական դրությունը հիմա հանվի, ԳՇ պետը ինձ հորդորել է և խնդրել, որ հիմա ռազմական դրությունը չհանենք՝ կապված սահմանին և զինված ուժերում բազմաթիվ անելիքների հետ»։

 

Մարուքյանի փոխանցմամբ՝ պատերազմի հետ կապված վտանգը չի ացել և դեռ ամեն ինչ չի ավարտվել։ Գլխավոր շտաբի պետն ասել է, որ առնվազն 7 օր ժամանակ տան Զինված ուժերին։

 

«Նման պահանջի մասին տեղեկարցել եմ նաև ԲՀԿ ղեկավար Գագիկ Ծառուկյանին, ասել եմ՝ մենք ունենք այդ համաձայնությունը և արտահերթ նիստը կնախաձեռնեն 7 օր հետո։ Ես կարծում եմ այս 7 օրերի ընթացքում մենք բոլորս պետք է զգոն և սթափ լինենք և առաջնորդվենք պետական շահով։

 

Դիմելով ցուցարաներին՝ Մարուքյանն ասաց՝ այն գույքը, որը կոտրել են պետական միջոցներով, հարկատուների հաշվին գնված գույք է․

 

«Այն, ինչ երեկ տեղի է ունեցել Ազգային ժողովի նախագահի հետ իր ընտանիքի աչքի առաջ, խստորեն դատապարտելի է և չի կարող արդարացվել որևէ ձևով։ Այս պահին մենք գրեթե անիշխանության եզրին ենք և իրավունք չունենք թույլ տալու որ նման բան տեղի ունենա»։

 

Մարուքյանը հավելեց նաև՝ Գլխավոր շտաբի պետին ասել է՝ եթե ռազմական դրությունը չեն հանում, ապա նիկոլ փաշինյանը այս յոթ օրերի ընթացքում չպետք է որևէ կերպ խաթարի հանրային համերաշխությունը, չպետք է մարդկանց ուղղորդի բախումների, այլապես դա հղի է ծանր հետևանքներով։ Ինչ վերաբերում է վարչապետի հրաժարականի պահանջին, Մարուքյանն ասում է՝ մենք չենք կարող ապրել պարտված առաջնոդի հետ և պարտված առաջնոդը պետք է հեռանա՝ երբ, ոնց, դա կքննարկվի և ռազմական և անվտանգային խնդիրները լուծված կլինեն։