Հայտնում եմ ձեզ, որ նոյեմբերի 18-ից գտնվելու եմ արձակուրդում, որը հիմնականում նվիրելու եմ Էջմիածնում ժամանակավորապես ապաստանած արցախցիների հետ հանդիպումներին, նրանց կարիքների գնահատմանը և դրանց լուծմանն ուղղված անհրաժեշտ քայլերի ձեռնարկմանը:

 

Սույն թվականի սեպտեմբերի 27-ից սկսված և 44 օր տևած պատերազմի ամբողջ ընթացքում Էջմիածնի քաղաքապետարանն արել է հնարավորը հայոց բանակի և այստեղ ապաստանած արցախցիներին աջակցելու համար: Այս ծանր շրջանում ներդրված ջանքերը հազարապատկելու կարիք կա, որն օր առաջ պետք է դառնա մեր առաջնահերթություններից:

 

Նոյեմբերի 18-ին նախատեսում եմ լինել Արցախում, հանդիպել իրավասու պետական մարմիններին և անելիքները հստակեցնելուց հետո ավելի մեծ եռանդով լծվել այս պահին Էջմիածնում գտնվող արցախահայությանն աջակցելու գործին:

Այս դժվարին ժամանակաշրջանում,ավելի քան երբևէ, անհրաժեշտ է հավաքվել և աշխատել»: