Անթույլատրելի և վտանգավոր է սեփական ճակատագրի որոշումը ուրիշին զիջելը․ Արման Բաբաջանյան (տեսանյութ)
Աջակցիր «Ա1+»-ինԱնվտանգությո՞ւն, թե՞ ժողովրդվարություն։ ԱԺ ամբիոնից այս հարցը բարձրացրեց անկախ պատգամավոր Արման Բաբաջանյանը՝ հայտարարելով, որ վերջին օրերին Հայաստանին աջակցելու պատրաստակամություն են հայտնել Ֆրանսիան, ԱՄՆ-ը, Իրանը, Հնդկաստանը Կանադան և այլ երկրներ՝ երաշխավորելով նաև մեր երկրի ներսում ժողովրդավարության կայացումը․
«Չկա ժողովրդավարություն առանց անվտանգության, չկա անվտանգություն առանց ժողովրդավարության․ սրանք միմյանց փոխլրացնում են, միմյանց խրախուսում են»։
Բաբաջանյանի համոզմամբ՝ Հայաստանը պետք է լինի ժողովրդավար, որպեսզի ապահովի իր և Արցախի անվտանգությունը․ «Անկախություն, ժողովրդվարություն, անվտանգություն․ ահա այն հիմնասյուները, որոնց վրա պետք է խարսխվի մեր պետականությունը։ Անթույլատրելի և վտանգավոր է սեփական ճակատագրի որոշումը ուրիշին զիջելը»։
Բաբաջանյանի համոզմամբ՝ հենց ժողովրդավարության վերնաշենքի վրա պետք ՝ կառուցենք մեր անվտանգային և դիվանագիտական կառուցակարգերը․ «Ռուսաստանը կկանգնցնի պատերազմը, Ամերիկան ու Ֆրանսիան թույլ չեն տա պատերազմ, ռուսը չի թողնի թուրքը ներքաշվի․այս բոլորը սին համոզումներ են»։
