«Ռուսաստանի կորուստները վերջին տվյալներով՝ 20,000 զինծառայող,  ավելի քան 300 ինքնաթիռ և ուղղաթիռ, մոտ 750 տանկ, ավելի քան 2000 հետևակի մարտական մեքենա»․ այս մասին մամուլի ասուլիսի ժամանակ նշեց ՀՀ-ում Ուկրաինայի գործերի ժամանակավոր հավատարմատար Դենիս Ավտոնոմովը։

Նա նշեց, որ Ռուսաստանի ղեկավարությունը հունվարից մինչև մարտ ամիս ընկած ժամանակահատվածում  ԶԼՄ-ներով իրականացվող պրոպականդայի համար ծախսել է 70 մլրդ ռուբլի, որից 20 միլիարդը մարտ ամսվա ընթացքում։

Հավատարմատարը նշեց, որ Ռուսաստանը նաև ահաբեկիչներ է տեղափոխել Ուկրաինա, որոնք կռվում են ուկրաինական բանակի դեմ։

Դենիս Ավտոնոմովը դրական համարեց միջազգային կառույցներում քվեարկությունների ժամանակ Հայաստանի չեզոք վերաբերմունքը ռուս-ուկրաիանական պատերազմի հետ կապված։

Մանրամասները՝ տեսանյութում։