Առաջնեկին սպասող մարզուհին գրավել է առաջին տեղը
Աջակցիր «Ա1+»-ինԵրևանի հրաձգության մասնագիտացված մարզադպրոցում ապրիլի 29-ից մայիսի 1-ը ավանդույթի համաձայն անցկացվել է Զինաիդա Սիմոնյանի անվան հուշամրցաշարը, որն այս տարի 10-րդ հոբլյանականն էր։
Ինչպես տեղեկացնում է Հայաստանի հրաձգության ֆեդերացիայի մամուլի ծառայությունը, մրցումներին մասնակցել են Երևանի, Վանաձորի և Գյումրիի մասնագիտացված մարզադպրոցների սաները: Նրանք մրցել են հրացան, ատրճանակ և վազող թիրախ զինատեսակներով մրցումներին։
Աշխարհի բազմակի չեմպիոն Զինաիդա Սիմոնյանի նախասիրած վարժությունում` օդամղիչ ատրճանակ զենքատեսակում, լավագույն արդյունք ցույց է տվել Տոկիոյի օլիմպիական խաղերի մասնակից Էլմիրա Կարապետյանը, որը սպասում է իր առաջնեկին:
Մնացած մրցաձևերում հաղթող են ճանաճվել սույն մարզիկ-մարզուհիները․
Օդամղիչ հրացան, 10մ, 60 կրակոց, տղամարդիկ. Նարեկ Դեմիրխանյան
Օդամղիչ հրացան, 10մ, 60 կրակոց, կանայք. Միլենա Պողոսյան
Օդամղիչ ատրճանակ, 10մ, 60 կրակոց, տղամարդիկ. Բենիկ Խլղաթյան
Վազող թիրախ, 10մ, նորմալ վազք, 30+30 կրակոց, տղամարդիկ. Հովհաննես Մարգարյան
Վազող թիրախ, 10մ, նորմալ վազք, 30+30 կրակոց, կանայք. Գոհար Հարությունյան
