Այսօր՝ Վերաքննիչ վարչական դատարանում, ընթանում էր «Ա1+»-ի գործով դատական նիստը։

Հայցվոր կողմը՝ «Ա1+»-ը, դատարանից պահանջում էր առոչինչ ճանաչել առաջին ատյանի վարչական դատարանի նախկին 6 ՝ 11.06.2003թ. թիվ 18-Ա, 18.07.2003թ. թիվ 31-Ա, 18.07.2003թ. թիվ 30-Ա, 18.07.2003թ. թիվ 29-Ա , 13.10.2003թ. թիվ 74-Ա, 13.10.2003թ. թիվ 75-Ա որոշումները, 24.12.2003թ. թիվ 56 դեցիմետրային կապուղիով «Հուսաբեր» ՓԲԸ-ին հաղթող ճանաչելու մասին որոշումն առոչինչ ճանաչելու որոշումները։

Հայցվոր կողմի ներկայացուցիչների խոսքով՝ իրենք վիճարկում են այն, որ իրենք զրկվել են հնարավորությունից և պնդում են, որ խտրականության հետևանքով «Ա1+»-ը զրկվել է եթերից։

Լսելով հայցվոր կողմին` դատավորը հայտարարեց, որ Վերաքննիչ վարչական դատարանն իր որոշումը կկայացնի հունիսի 1-ին։

Նշենք, որ պատասխանող կողմերն են ՀՀ Կառավարությունն ու Հեռուստատեսության և ռադիոյի հանձնաժողովը, որոնք ներկա չէին այսօրվա դատական նիստին։

Մանրամասները՝ տեսանյութում։