Հայ ըմբիշները պարգևատրվեցին ՎԲԵԹ-ի կողմից (տեսանյութ)
Աջակցիր «Ա1+»-ինԱյս տարի Վբեթը սկսեց համագործակցություն Հայաստանի ամենամեծ նվաճումներն ունեցող մարզաձևի ներկայացուցիչների՝ Հայաստանի Ըմբշամարտի ֆեդերացիայի հետ: Բուդապեշտում կայացած Եվրոպայի 2022թ. առաջնությունում Հայաստանի հավաքականը նվաճեց 7 մեդալ, որից 2-ը՝ ոսկե, 1-ը՝ արծաթե և 4՝ բրոնզե:
Հայկական սպորտում մեծ ներկայություն ունեցող ՎԲԵԹ-ի և Հայաստանի Ըմբշամարտի ֆեդերացիայի համագործակցության շրջանակը ներառում է ինչպես միջազգային ասպարեզում հայկական ըմբշամարտի հաջողությունների հետագա խթանումը, այնպես էլ տեղական մրցաշարերի զարգացումը և մասսայականության բարձրացումը:
Համագործակցության հիմնական ուղղություններից բացի՝ ՎԲԵԹ-ը կարևորում է նաև միջազգային ասպարեզում հաջողություններ գրանցած մարզիկների խրախուսումը: Այդ նպատակով ՎԲԵԹ-ի կողմից պարգևատրվեցին Եվրոպայի առաջնության մրցանակակիրները. բրոնզե մեդալ նվաճած մարզիկները՝ 500,000 ՀՀ դրամ, արծաթե մեդալ նվաճած ըմբիշները՝ 1,000,000 ՀՀ դրամ, իսկ ոսկե մեդալ նվաճած մարզիկը՝ 2,000,000 ՀՀ դրամ: ՎԲԵԹ-ը մշտապես կարևորել և ընդլայնել է նոր համագործակցությունները տարբեր սպորտաձևերում, ինչն էլ կօժանդակի սպորտի զարգացումը Հայաստանում և կնպաստի հայ մարզիկների միջազգային ասպարեզում հաջողություններ գրանցելուն:
