Յուրա Մովսիսյանը խորհուրդ է տվել Էդուարդ Սպերցյանին

«Կրասնոդար» ֆուտբոլային ակումբի նախկին հարձակվող Յուրա Մովսիսյանը կարծում է, որ «ցուլերի» 22-ամյա կիսապաշտպան Էդուարդ Սպերցյանը պետք է ևս մեկ մրցաշրջան անցկացնի ՌՊԼ-ում, հետո նոր տեղափոխվի եվրոպական թիմ։

«Նա այժմ իր թիմի գլխավոր խաղացողն ու առաջատարն է։ Նա այն տարիքում է, որ կարևոր է խաղային պրակտիկա։ Եթե ​​նա մի տարի էլ մնա Ռուսաստանում, ապա դա նրան ավելի մեծ օգուտ կտա, հատկապես հաշվի առնելով ներկայիս «Կրասնոդարի» ցուցադրած ֆուտբոլը», - Metaratings.ru կայքով ասել է Հայաստանի հավաքականի նախկին ֆուտբոլիստը։