Նախկին կնոջ այժմյան ընկերը մետաղյա խողովակով հարվածներ է հասցրել 36-ամյա տղամարդուն. Ոստիկանություն
Աջակցիր «Ա1+»-ինիվանդանոցից ոստիկանության Արտաշատի բաժին հոկտեմբերի 26-ին ժամը 10.55-ին ստացվել է հաղորդում, որ «գանգուղեղային տրավմա» ախտորոշմամբ բուժօգնության է ընդունվել Վերին Դվին գյուղի բնակիչ, 36-ամյա մի տղամարդ: Հայտնում է Ոստիկանությունը։
Տղամարդը հիվանդանոցում հայտնել է, որ վնասվածքը ստացել է իրենց գյուղում՝ ծառից ընկնելու հետևանքով:
Պարզվել է, որ դեպքը եղել է տուժած տղամարդու նախկին կնոջ՝ Այգեստան գյուղում վարձակալած տան բակում: Վեճին ներկա է եղել նաև նախկին կնոջ այժմյան ընկերը՝ Վերին Դվին գյուղի 38-ամյա բնակիչ, և հենց նա էլ մետաղյա խողովակով մի քանի անգամ հարվածներ է հասցրել հիվանդանոց տեղափոխվածի գլխին և մարմնի տարբեր մասերին:
Դեպքի առթիվ Արարատի մարզային քննչական վարչությունում նախաձեռնվել է քրեական վարույթ` առողջությանը ծանր վնաս պատճառելու հատկանիշներով:
Արտաշատի քրեական հետախույզների ձեռնարկած օպերատիվ-հետախուզական միջոցառումների արդյունքում 38-ամյա տղամարդը հայտնաբերվել է Վերին Դվին գյուղում, ձերբակալվել, բերվել է ոստիկանության Արտաշատի բաժին, ապա ներկայացվել նախաքննական մարմնին:
Նախաքննությամբ հանգամանքները պարզվում են:
