Բացել լրահոսը Փակել լրահոսը
ալավերդի
A A
Հասարակություն

Արդեն 3 օր հրշեջները չեն կարողանում մարել Ալավերդու աղբավայրի հրդեհը

Երեք օր առաջ Ալավերդու կոշտ կենցաղային թափոնների աղբավայրում բռնկված հրդեհը մեկուսացնել չի հաջողվում։ Հայտնում է մարզային Անկյուն+3 հեռուստաընկերությունը։

ԱԻՆ Ալավերդու հրշեջ-փրկարարական ջոկատը երկու օր աշխատել է՝ փորձելով գտնել հրդեհի օջախն ու մեկուսացնել այն։ Սակայն աշխատանքներն արդյունք չեն տվել։

Ալավերդու կոշտ կենցաղային թափոնների 4,5 հա տարածքով աղբավայրը գտնվում է Մադան թաղամաս տանող ճանապարհին։ Չդադարող ծխից Մադանի բնակիչները անելանելի վիճակում են հայտնվել։ Ասում են՝ չեն կարողանում տնից դուրս գալ, շնչելն անհնարին է դարձել։