Օդի ջերմաստիճանը հուլիսի 9-11-ն աստիճանաբար կնվազի 6-8 աստիճանով

Հայաստանի տարածքում հուլիսի 9-ի ցերեկն՝ առանձին շրջաններում, 10-11-ը՝ շրջանների զգալի մասում սպասվում է կարճատև անձրև և ամպրոպ, հուլիսի 9-11-ն, առանձին հատվածներում, ինտենսիվ։ Ինչպես  տեղեկացնում է ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնը, առանձին հատվածներում սպասվում է նաև կարկուտ։

Հուլիսի 12-14-ը սպասվում է առանց տեղումների եղանակ։

«Քամին՝ հարավարմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ։

Օդի ջերմաստիճանը հուլիսի 9-11-ն աստիճանաբար կնվազի 6-8 աստիճանով»,- ասվում է հաղորդագրության մեջ։