«Նարեկացին» կորցնում ենք (տեսանյութ)
«Նարեկացի» արվեստի միության 7-ամյա գործունեությանը նվիրված մամլո ասուլիսը վերածվեց մշակութային այսօրյա խեղաթյուրված արժեքների ու միության դատական խնդիրների քննարկման։
«Երկրորդ նման մշակութային հաստատությունը չունենք, և բոլորս զինվոր պիտի դառնանք ու պաշտպանենք այն, թե չէ այսօր «Նարեկացին» կկորցնենք, վաղն էլ հայրենիքը տանուլ կտանք»,- ասաց ասուլիսին ներկա կոմպոզիտոր Արթուր Շահնազարյանը:
Հիշեցնենք, որ կալանք է դրվել Նարեկ Հարությունյանին պատկանող անշարժ գույքի վրա և հարուցվել է քրեական գործ` հարկը չվճարելու պատճառաբանությամբ:
« Կան չար ուժեր, որոնք իմ ուղղությամբ քայլեր են անում, և մեր առաքելությունը տուժում է:Հափշտակելու ախորժակ կա, որն ընդառաջվում է պատվերով և ներքին կարգով»,-ասել է «Նարեկացի» արվեստի միության հիմնադիր Նարեկ Հարությունյանը:
