Որևէ մեկը բարոյական իրավունք չունի ասելու՝ ես մասնակցեմ ընտրություններին, թե ոչ․ Վ․Բաբայան (տեսանյութ)
Աջակցիր «Ա1+»-ին«Մենք մեզ տեսնում ենք խորհրդարանում, որովհետև ունենք այդ տվյալները։ Եվ որևէ մեկը բարոյական իրավունք չունի ասելու՝ ես մասնակցեմ ընտրություններին, թե ոչ, որ ձայն ենք փոշիացնում»,- «Ա1+»-ի հետ զրույցում ասաց Ռեֆորմիստների կուսակցության նախագահ Վահան Բաբայանը՝ պատասխանելով հունիսի 7-ի խորհրդարանական ընտրություններին իրենց մասնակցությանը վերաբերող հարցերին։
Վահան Բաբայանը հավատացնում է, որ անցկացրել են իրեն փակ հցումները և պարզել, որ իր ղեկավարած Ռեֆորմիստների կուսակցությունը հաղթահարելու է Ազգային ժողովում խմբակցություն ունենալու նվազագույն 4 տոկոսի շեմը։ Նա գտնում է, որ ընդդիմադիր դաշտի ֆավորիտ ուժերը՝ Սամվել Կարապետյանի հիմնած «Ուժեղ Հայաստան», Գագիկ Ծառուկյանի ղեկավարած «Բարգավաճ Հայաստան» կուսակցությունները և Ռոբերտ Քոչարյանի «Հայաստան» դաշինքն արդեն հասել են իրենց ընտրազանգվածի առավելագույն չափի վստահությանը և այն ավելացնելու տեղ չունեն։
Իսկ տարբեր սոցհարցումների համաձայն Հայաստանի ընտրողների շուրջ 40 տոկոսը դեռ չի կողմնորոշվել, թե որ կուսակցության օգտին է քվեարկելու կամ չի ցանկանում ասել, թե որն է իր ընտրյալ ուժը։ Վահան Բաբայանն ասում է, որ իրենց ընտրողները հենց այդ խմբերի մեջ են։
«Այդ ուժերն իրենց էլեկտորալ պատալոկին են հասել, և կարծում եմ, չկողմնորոշված հատվածը նրանց կողմը չի գնա։ Դա վերաբերում է և այդ երեք խոշորներին, և իշխանություններին»,- հավելեց նա։
Մանրամասները՝ տեսանյութում։
