Վթար. Վարորդը մահացել է
Հունվարի 17-ին, Երևան-Սևան ավտոճանապարհի 26-րդ կմ-ում (ավազահանքի մոտ)տեղի է ունեցել ավտոպատահար, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չպարզված հանգամանքներում «ՎԱԶ-2106» մակնիշի 03 ՏՏ 938 պետհամարանիշի ավտոմեքենան դուրս է եկել ճանապարհի երթևեկելի մասից և գլորվել հարակից ձորը, ինչի հետևանքով վարորդ, Երևան քաղաքի բնակիչ ,1978 թվականին ծնված Տիգրան Ջուլյանը տեղում մահացել է:
Հրշեջ-փրկարարները ավտոմեքենայից դուրս են բերել և «1-03» ծառայության աշխատակիցներին հանձնել Տիգրան Ջուլյանի դին:
Ջրագծի վթար
Հունվարի 17-ին`ժամը 15.04-ին, Երևան քաղաքի Սոսեի փողոցի թիվ 1/1 հասցեում գտնվող չշահագործվող կաթսայատանը տեղի է ունեցել ջրագծի վթար:
Տեղում պարզվել է, որ ջրագծի վթարն առաջացել է երկաթբետոնյա կառուցատարրի ընկնելու պատճառով, առկա են ևս մի քանի կառուցատարրերի անկման վտանգ. անհրաժեշտ է փրկարարների օգնությունը` վտանգը կանխելու համար:
Դեպքի վայր են մեկնել փրկարարական ուժերի վարչության հատուկ փրկարարական ջոկատի հերթապահ և ճգնաժամային կառավարման կենտրոնի օպերատիվ խմբերը:
Փրկարարներն իրականացրել են սպառնալիք հանդիսացող երկաթբետոնյա կառուցատարրերի ապամոնտաժման աշխատանքներ:
Այս մասին հայտնում է ԱԻՆ մամլո ծառայությունը։
