A
A
Անանյանը կսպասի կառավարությանը
Հայաստանի գրողների միության նախագահ Լեւոն Անանյանը վերադարձել է Թբիլիսիից, սակայն առայժմ որեւէ բան չի ցանկանում հայտնել։
«Հարցը կներկայացնեմ կառավարությանը եւ հետագա քայլերը եւ անելիքները կորոշվեն»,- այսօր «Ա1+»-ին ասաց Լեւոն Անանյանը։
Հիշեցնենք, որ Լեւոն Անանյանը հունվարի 19-ին մեկնել էր Թբիլիսի՝ վրացի գործընկերների հետ՝ Հովհաննես Թումանյանի տան հետ կապված ընդհանուր հայտարարի գալու համար։ Տունը վաճառվում է։
Ի դեպ, Գրողների միության նախագահի անձնական կարծիքով՝ հայ մեծանուն գրող Հովհաննես Թումանյանի տունը անպայման պետք է գնի հայկական կողմը։
Խոսքը գնում է Թբիլիսիի Դավիթաշվիլու 18 հասցեում տեղակայված տան մասին, որում 1909-1923 թթ-ը ապրել է Թումանյանը, իսկ 1952 թ-ին տան իրերը տեղափոխվել են Երևան։
