Աղջիկը 9 տարի լողասենյակից դուրս չի եկել
Պաղեստինի Կալկիլիա նահանգում հայրը լողասենյակում 9 տարի շարունակ պահել է հարազատ դստերը:
Երեկ՝ հունվարի 22-ի գիշերը, ոստիկանությունը ստանալով անանուն զանգ, աղջկա գերության մասին՝ ազատագրել է պատանդին` հայտնաբերելով դեռահաս աղջկան հոգեկան սարսափելի ծանր վիճակում, պատառոտված շորերով, պառկած լողասենյակի մերկ հատակին:
Հոր և աղջկա անունները ոստկանությունը չի հրապարակել, սակայն հայտնել է, որ հայրը դպրոցահասակ աղջկան գերության մեջ է պահել, որպեսզի չհանձնի նախկին կնոջը:
Աղջկա պատմելով` հայրը իրեն մշտապես ծեծել է՝ վախեցնելով, որ կսպանի, եթե օգնություն կանչի:
Ներկայումս աղջիկը գտնվում է մոր մոտ:
Հետաքրքիրն այն է, որ աղջկա մայրը այս 9 տարիների ընթացքում երբեք չի հայտնել նախկին ամուսնու հանցագործության մասին, որը կատարվել է սեփական երեխայի նկատմամբ,- գրում է «Ակսակալ» տեղեկատվական կայքը:
Աղջիկը հայտնել է, որ ուզում է դպրոց վերադառնալ:
