Խեղդել է թոռանը՝ համակարգչի պատճառով
Խաբարովի մարզի բնակիչը խոստովանել է, որ 9-ամյա թոռանն ինքն է սպանել։
Կոմոսոմոլսկ-Ամուրի վրա քաղաքի բնակչուհին 9-ամյա որդուն թողել է տանը, մոր 49-ամյա կողակցի հետ, եւ դուրս եկել տնից, կրտսեր երեխային մանկապարտեզից վերցնելու նպատակով։
Խորթ պապիկն արգելել է երեխային երկար նստել համակարգչի դիմաց, սակայն տղան չի լսել ու շարունակել է խաղալ։ Տղամարդու նյարդերը տեղի են տվել եւ նա ձեռքերով խեղդամահ է արել երեխային։
Սպանության հետքերը թաքցնելու համար նա երեխայի դիակը դրել է պարկի մեջ, դուրս հանել բակ ու թաքցրել ավտոտնակների արանքում։ Վերադառնալով տուն, երեխայի մորը հայտնել է, որ տղան գնացել է զբոսնելու։
Խաբարովի մարզի դատախազության պաշտոնական կայքէջը տեղեկացնում է, որ երեխայի մոր հաղորդագրության հիմքով հարուցվել է քրեկան գործ։ Մեկ օր փնտրելուց հետո, իրավապահները հայտնաբերել են երեխայի դիակը։
Դեռատի խաղամոլին սպանելու համար նրա խորթ պապիկին սպառնում է ազատազրկում։
