A
A
Ազնավուր. «Թուրքիան կընդունի անցյալը»
Մեկ օր՝ վաղ թե ուշ, Թուրքիան կընդունի անցյալը: Այս մասին France 2 հեռուստաալիքի եթերում նշել է աշխարհահռչակ շանսոնյե Շառլ Ազնավուրը:
«Մենք տարածք չենք ցանկանում: Մի վախեցեք»,- նշել է շանսոնյեն՝ դիմելով թուրքերին: Նա օրինակ է բերել ֆրանս-գերմանական հարաբերությունները և նշել, որ այսօր Գերմանիան Ֆրանսիայից հետ չի պահանջում Էլզասն ու Լոթարինգիան:
«Ինձ հետ շատ հայեր չեն համաձայնում այս հարցում»,- նշել է Ազնավուրը:
Անդրադառնալով Ցեղասպանությունների ժխտումը քրեականացնող օրինագծին՝ Ազնավուրը նշել է, որ մեծ ուրախությամբ է ընդունել Սենատի կողմից օրինագծի ընդունումը և այս առնչությամբ շնորհակալական նամակ է հղել նախագահ Սարկոզիին:
Այս մասին հայտնում է «Արմենպրեսը»
