Քաղաքապետարանում ոչինչ չգիտեն
Քաղաքապետարանում ոչ մի քաղաքաշինության նիստ էլ տեղի չի ունեցել: Այս մասին այսօր «Ա1+»-ի լրագրողին հայտնել է Քաղաքապետարանի հասարակայնության հետ կապերի վարչության պետ Արթուր Գևորգյանը:
Հիշեցնենք, որ երեկ երեկոյան «Երկիր մեդիա» հեռուստաընկերության «Երկրի հարցը» հաղորդման վերջում գրող, հրապարակախոս Մերուժան Տեր Գուլանյանը հայտարարել է, որ տեղի է ունեցել քաղաքաշինության նիստ, որի ընթացքում որոշել են, որ տաղավարները Մաշտոցի պուրակում չպետք է տեղադրվեն:
«Մենք այդ հայտարարության մասին ոչինչ չգիտենք, դուք պարզեք Մերուժան Տեր-Գուլանյանից, թե ինչո՞ւ է նման հայտարարություն արել»,-ասաց Քաղաքապետարանի հասարակայնության հետ կապերի վարչության պետ Արթուր Գևորգյանը:
Փորձեցինք հայտարարության վերաբերյալ մանրամասներ իմանալ հենց Մերուժան Տեր-Գուլանյանից, սակայն ապարդյուն՝ նրա հեռախոսահամարն այսօր անջատված է:
