A
A
Բնապահպանների հայցը ետ են վերադարձրել
Երեւանի վարչական դատարանը ետ է վերադարձրել բնապահպանների եւ ԱԺ «Ժառանգություն» խմբակցության պատգամավորների հայցն ընդդեմ Մաշտոցի պուրակում կատարվող ապօրինությունների։
Զարուհի Փոստանջյանը «Ա1+»-ին հայտնեց, որ այդ մասին իրեն տեղեկացրել են բանավոր։ «Բայց թե ի՞նչ հիմնավորմամբ, դեռ պարզ չէ, քանի որ փոստային բաժանմունքի միջոցով չեմ ստացել մերժման հիմքերը»,- ասաց Զարուհի Փոստանջյանը։
Հայցով պահանջվում էր չեղյալ հայտարարել քաղաքապետ Տարոն Մարգարյանի որոշումը, նաեւ արգելել պուրակում իրականացվող ապօրինի շինարարական աշխատանքները:
Արդեն 19 օրն է, բնապահպանները Մաշտոցի պուրակում հերթապահում են, որպեսզի պուրակում չտեղադրվեն Աբովյան փողոցից ապամոնտաժված առեւտրի կրպակները։
