Քաղաքացիների պաշտպանության օրն է
Ամեն տարվա մարտի 1-ին միջազգային հանրությունը նշում է Քաղաքացիական պաշտպանության համաշխարհային օրը:
1972 թվականին Քաղաքացիական պաշտպանության միջազգային կազմակերպության (ՔՊՄԿ) անդամ-պետությունների ներկայացուցիչները հաստատեցին կազմակերպության կանոնադրության ժամանակակից տեքստը:
Կանոնադրությունն ուժի մեջ մտավ 1972 թվականի մարտի 1-ին եւ կազմակերպությանը տրվեց միջազգային միջկառավարական կազմակերպության կարգավիճակ:
ՔՊՄԿ-ն մարտի 1-ը սահմանեց Քաղաքացիական պաշտպանության համաշխարհային օր:
Հայաստանի Հանրապետությունը 1994 թվականի ապրիլից Քաղպաշտպանության միջազգային կազմակերպության անդամ է:
Հիշեցնենք, որ ուղիղ 4 տարի առաջ հենց այս օրը Հայաստանի մայրաքաղաքում նախագահական ընտրությունների արդյունքի հետ անհամաձայն բազմահազարանոց ցույցի մասնակից քաղաքացիներին սպանդի ենթարկեցին։ Արյունահեղության հետեւանքով երիտասարդ 10 քաղաքացիներ զոհվեցին այդ օրը։
