Հայտնի են Աշխարհի 10 լավագույն ԲՈՒՀ-երը
Բրիտանական Times Higher Education պարբերականը Thomson Reuters-ի տեղեկատվական խմբի և հասարակական կարծիքի ուսումնասիրման՝ Ipsos Media ծառայության հետ կազմել է աշխարհի հեղինակավոր ԲՈՒՀ-երի ամենամյա վարկանիշային «Ոսկե հարյուրյակը»։
Հեղինակավոր կրթօջախների վարկանիշը պարզելու համար, այս տարի հարցումներին մասնակից են դարձվել 17 հազար 554 գիտնականներ՝ աշխարհի տարբեր կրթական հաստատություններից, որոնք 31%-ով ավելի են նախորդ տարիներին անցկացված նմանատիպ հարցման մասնակիցներից։
Ինչպեսեւ նախորդ տարիներին, այս տարվա ամենահեղինակավոր կրթօջախները կրկին ամերիկյան ԲՈւՀ-երն են՝ 100-ից 44-ն ունեն հեղինակային ամենաբարձր վարկանիշը։
Երկրորդ տեղում բրիտանական կրթական բարձրագույն հաստատություններն են ։ Նրանց թիվն այս տարի երկուսով կրճատվել է, 12-ի փոխարեն՝ 10 ԲՈւՀ։
Առաջին վեց տեղերն այս տարի անփոփոխ են մնացել։
Վարկանիշային առաջին հորիզոնականը պատկանում է Հարվարդի համալսարանին, նրան հետևում է Մասաչուսեթսի տեխնոլոգիական ինստիտուտը։ Լավագույն եռյակը եզրափակում է բրիտանական Քեմբրիջը։ Այնուհետ Ստենդֆորդի, Կալիֆորնիայի, Բերքլիի, Պրինստոնի, Լոս-Անջելեսի և Տոկիոյի համալսարաններն են և վերջապես 10 լավագույնների ցուցակը եզրափակում է Օքսֆորդի համալսարանը,- տեղեկացնում է «Gazeta.ru»-ն։
Ի դեպ՝ ռուսական ԲՈւՀ-երից և ոչ մեկը չի հայտնվել 100 լավագույնների ցանկում։
Հարցումները ցույց են տվել, որ ուսանողներից շատերը գերադասում են սովորել խաղաղօվկյանոսյան երկրների համալսարաններում, ուսման ցածր վարձի և կրթական որակյալ ծրագրերի պատճառով։
