Մեքենան այրվել է
Ապրիլի 17-ին, ժամը 21:31-ին, Լիճք-Մարտունի ավտոճանապարհի 1-ին կմ-ում այրվել է «ՎԱԶ -2121» մակնիշի ավտոմեքենա:
Ժամը 21:34-ին դեպքի վայր է մեկնել Մարտունի քաղաքի հրշեջ-փրկարար ջոկատից մեկ մարտական հաշվարկ:
Ամբողջությամբ այրվել է Հ.Մարտիրոսյանին պատկանող «ՎԱԶ -2121» մակնիշի 28ՕՕ749 պ/հ ավտոմեքենան:
Հրդեհ հյուրասենյակում
Ապրիլի 18-ին, Ժամը 07:03-ին ահազանգ է ստացվել, որ հրդեհ է բռնկվել Վանաձոր քաղաքի Լանջային փողոցի թիվ 36 տանը:
Դեպքի վայր են մեկնել երեք մարտական հաշվարկ:
Նախնական տվյալներով՝ երկհարկանի տան երկրորդ հարկում այրվել է հյուրասենյակը (30 ք.մ)՝ գույքով:
Հրդեհներ խոտածածկ տարածքներում
Ապրիլի 17-ին ՀՀ ԱԻՆ Ճգնաժամային կառավարման կենտրոնում ահազանգեր են ստացվել հանրապետության տարբեր հատվածների խոտածածկ տարածքներում բռնկված հրդեհների մասին: Մասնավորապես' Աշտարակ-Երևան ավտոճանապարհին' Բագավան թաղամասում 4 քմ, Չարենցավան քաղաքի Երիտասարդության փողոցի հարակից այգում 200 քմ, Աբովյան քաղաքի Սևանի փողոցի հարակից այգում 800 քմ, Վանաձոր քաղաքի Աղայան փողոցի թիվ 95 շենքի մոտակայքում 50 քմ խոտածածկ տարածք:
Լոռու Վանաձոր քաղաքի հարակից սարալանջին (Բազումի լեռնաշղթա) այրվել է 21 հա խոտածածկ տարածք և 2 հա անտառաշերտ:
Այս մասին հայտնում է ԱԻՆ մամլո ծառայությունը։
