A
A
Գնացքները բախվել են
Հնդկաստանում այսօր՝ մայիսի 22-ին, բախվել են մարդատար և բեռնատար գնացքները։ Նախնական տվյալներով՝ 24 մարդ մահացել են, ևս 35-ը վիրավորվել։
BBC-ի փոխանցմամբ, փլատակների տակ կարող են տուժածներ լինել։
Դեպքը պատահել է Հնդկաստանի Անհրա-Պրեդեշ գավառում։ Մարդատար գնացքի 4 վագոնները բախման արդյունքում դուրս են եկել գծերից և շրջվել։ Վագոններից մեկում հրդեհ է բռնկվել։
Վթարի պատճառները դեռևս անհայտ են։
Վերջին 5 տարիներին Հնդկաստանում երկաթուղային աղետներից զոհվել է ավելի քան 1,2 հազար մարդ։ Երկրում ամեն օր գործի են դրվում մոտ 9 հազար մարդատար գնացքներ, որոնք տեղափոխում են 18 մլն. մարդու։
