Տեղի ունեցածը համարում է հանցագործություն (տեսանյութ)
«Սա վանդալիզմ է, նշանակում է, որ ով այս երկրում ինչ ուզենա, կարող է անել: Եթե որևէ մեկի մտքով անցնի Օպերայի տեղում էլ սուպերմարկետ սարքել՝ որևէ մեկը չի խոչընդոտելու»,- հայտարարում է «Ժառանգություն» կուսակցության անդամ Ստեփան Սաֆարյանը:
Նա մասնակցում էր ի պաշտպանություն Փակ շուկայի մի շարք քաղաքացիական նախաձեռնությունների կազմակերպած հավաքին:
Պարոն Սաֆարյանը տեղի ունեցածը համարում է հանցագործություն և դիմել է ՀՀ ոստիկանություն:
Հարցին՝ պայքարելու են ընդդեմ իշխանությունների պաշտպանությունն ունեցող գործարար Սամվել Ալեքսանյանի՞, ով ցանկանում է շուկայի տեղում ամենամեծ «Yerevan City» սուպերմարկետը կառուցել,Ս. Սաֆարյանն այսպես պատասխանեց. «Այս պահին թիրախը նա չէ, այլ պետական մարմինները՝ ի դեմս մշակույթի նախարարի, Երևանի քաղաքապետի, կառավարության անդամների: Ակնհայտ է, որ անգամ երեկվա աղմուկի կապակցությամբ որևէ հայտարարություն էլ չեղավ, այնինչ պատկան մարմինները պարտավոր էին դատապարտել»:
Մանրամասներն այստեղ
