A
A
18-ամսյա ազատազրկում է սպառնում
Հանրահռչակ թուրք դաշնակահար և կոմպոզիտոր Ֆազիլ Սային 18-ամսյա ազատազրկում է սպառնում։
42-ամյա Սայը մեղադրվում է իսլամական արժեքները ոտնահարելու, դրանք բացահայտ ձևով արհամարհելու, Twitter-ում հակակրոնական արտահայտություններ թույլ տալու մեջ։ Դատական գործընթացը կսկսվի հոկտեմբերին։
Երաժիշտը հերքում է իր հասցեին հնչած բոլոր մեղադրանքները։ Ապրիլ ամսին տված հարցազրույցներից մեկում նա նշել է, որ աթեիստ լինելու իր հայտարարությունից հետո ակնհայտ բացասական վերաբերմունք է զգում թուրք հասարակության կողմից։
Հիշեցնենք, որ Ֆազիլ Սայը հաղթող է ճանաչվել մի շարք հեղինակավոր մրցույթներում։ 2008 թվականին Եվրամիությունը նրան մշակույթի դեսպան է նշանակել։
