12-ամյա Վանուհին գերել է շվեյցարացիներին
Եթե չլինեն ականջօղերը, դժվար կլիներ տարբերել` վաճառողը տղա է, թե աղջնակ: Կարճ, բայց խիտ մազերը ծածկում է կեպին: Աչքերը չեն երևում կեպիի տակ, որովհետև նրա ամոթխած հայացքը գրեթե միշտ ներքև է նայում:
12-ամյա Վանուհին է. Եղեգնաձոր-Սյունիք միջպետական ճանապարհին` Սյունիքի դարպասների մոտ, արդեն երկու տարի առևտուր է անում: Նա մրգեղենի գներն է ասում, արագ-արագ կշռում և սպասարկում է ճանապարհորդ-հաճախորդներին:
Անցյալ տարի էլ` հավանաբար նմանատիպ մի օր էր, երբ Շվեյցարիայից ժամանած խմբից մեկը նկարեց Վանուհուն: Բայց ո՞վ գիտեր, թե այդ նկարը զբոսաշրջիկների «լավ կադր բռնելու» հերթական փորձը չէր, նկարողն էլ` ֆոտոլրագրող էր և Վանուհու լուսանկարը պիտի մրցույթի ներկայացներ, նկարն էլ` ճանաչվեր լավագույնը: Այդ մասին Վանուհին ու նրա ընտանիքը միայն այս տարի են իմացել, երբ շվեյցարացին վերադարձել է Հայաստան, որպեսզի ստանա անչափահաս աղջկա ծնողների թույլտվությունն ու ստորագրությունը` Վանուհու լուսանկարը գրքում տպագրելու համար:
Մանրամասներն այստեղ
