A
A
Զինծառայող է մահացել
Այսօր առավոտյան Վայոց ձորի մարզում զինծառայողների մեքենա է գլխիվայր շուռ եկել։ Արդյունքում 3 զինծառայողներ մարմնական վնասվածքներով տեղափոխվել են Վայքի եւ Եղեգնաձորի հիվանդանոցներ։
Ինչպես «Ա1+»-ին հայտնեց ՊՆ քննչական ծառայության ներկայացուցիչ Մերի Սարգսյանը, ուղեւորներից մեկը՝ Էդգար Հովհաննիսյանը հիվանդանոց տեղափոխվելու ճանապարհին մահացել է, իսկ վարորդի վիճակը լավ է։ «Պետք է նշել, որ նրանք ոչ թե ժամկետային, այլ պայմանագրային զինծառայողներ են»,- ավելացրեց Մերի Սարգսյանը։
Այլ մանրամասներ նա չհաղորդեց՝ նշելով, որ դեպքի վայրում քննչական գործողություններ են կատարվում։ Լրացուցիչ տեղեկատվություն կտրամադրվի գործողության ավարտից հետո։
