Ժառանգության հարցը՝ ԳԱԱ-ում
Հունիսի 25-ին, ժամը 10.00-ին ՀՀ ԳԱԱ նիստերի դահլիճում կսկսվի «Հայկական լեռնաշխարհի պատմամշակութային ժառանգությունը» թեմայով միջազգային գիտաժողովը, որը նախաձեռնել են ԳԱԱ-ն, ԵՊՀ-ն, Արցախի Պետական համալսարանն ու «Պատմամշակութային արգելոց-թանգարանների եւ պատմական միջավայրի պահպանության ծառայության» ՊՈԱԿ-ը։ Այն ընդգրկում է հայկական լեռնաշխարհի պատմամշակութային ժառանգությանն առնչվող պատմական, հնագիտական, ազգագրական, արվեստի, ճարտարապետության, թանգարանագիտական ոլորտի հարցեր, դրանց նորովի լուծումների ուղղություններ։
90-ից ավելի զեկուցողների թվում նաեւ 12 օտարերկրացի հեղինակավոր գիտնականներ են Ռուսաստանից, Միացյալ նահանգներից, Ֆրանսիայից, Մեծ Բրիտանիայից, Իտալիայից, Ուկրաինայից։ Հայկական լեռնաշխարհի պատմամշակությաին ժառանգության մասին զեկուցումներով հանդես կգան նաեւ օտարերկրացի գիտնակարնները։
Հայտնում է «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ը։
