«Հարսնաքար»-ում իրավիճակը հանդարտ է (տեսանյութ)
«Հարսնաքար»-ի մոտ հունիսի 17-ին Հարսնաքար համալիրի անվտանգության աշխատակիցների կողմից դաժան ծեծի ենթարկված Վահե Ավետյանի հիշատակին նվիրված մոմավառության և բողոքի ակցիայի մասնակիցների մի մասը հեռացավ՝ վաղը ժամը 13-ին Սերժ Սարգսյանի նստավայրի մոտ ակցիան շարունակելու պայմանով:
Քիչ առաջ «Հարսնաքար»-ում տեղի ունեցեղ հարսանեկան արարողության մասնակիցները հեռացան համալիրից, հեռանում են նաև կարմիր բերետավորներն ու ոստիկանները:
Բարձրաստիճան պաշտոնյաները՝Ռ.Մելքոնյանը և Վ.Օսիպյանը փորձում են հանդարտեցնել Հարսնաքարում իրենց բողոքի ձայնը բարձնացնող ակցիայի մի խումբ մասնակիցներին:
«Ա1+»-ի այն հարցին, թե ինչու էին կարմիր բերետավորները ու ոստիկանները հրում լրագրողներին Ռոբերտ Մելքոնյանը պատասխանեց. «Մենք չէինք հրում, օրինականություն էինք հաստատում»:
Հարսաքարի պատերին կարելի է տեսնել հետևյալ բովանդակությամբ գրություններ՝ «Օլիգարխ», «Հանցագործ», «Հանցաքար», «Չեք մարսելու»: Համալիրի պատերի ողջ երկայնքով շարունակում են վառվել մոմերը:
Այստեղ էին նաև Վահե Ավետյանի կոլեգաները. «Նա հիանալի մարդ էր, հիանալի բժիշկ, նա անգամ վճարում էր այն զինծառայողների փոխարեն, ովքեր իրենց համար դեղորայք գնելու գումար չունեին:Փրկել է բազմաթիվ մարդկանց կյանք»:
Նրանք ցավով նշեցին, որ երբ Վահեին հիվանդանոց բերեցին նա պարզապես անճանաչելի էր:
