Կարկուտը վնասներ է հասցրել
Տեղացած անձրեւը եւ կարկուտը վնասներ է հասցրել Լոռու մարզի Ուրասար գյուղին։
Հուլիսի 8-ին, ժամը 16.45-ից մինչև 17.20-ի սահմաններում տեղացած անձրևի և կարկտի հետևանքով վնասվել են գյուղի հացահատիկի և բանջարաբոստանային մշակաբույսերի ցանքատարածքներ` մոտ 40 հա մակերեսով, շանթահարվել ու սատկել է ձի:
Նույն օրը՝ ժամը 17.00-17.30-ը, Ստեփանավանի մոտակայքում՝ «Բագեր» կոչվող հանդամասում, շանթահարվել և սատկել է 23 կով:
Հայտնաբերվել է դի
Հուլիսի 9-ին, ժամը 16.42-ին ահազանգ է ստացվել, որ Երևանի Սեբաստիայի 23ա շենքի 3-րդ բնակարանի բնակիչը չի արձագանքում դռան և հեռախոսազանգերին ու անհրաժեշտ է փրկարարների օգնությունը:
Դեպքի վայր է մեկնել հատուկ փրկարարական ջոկատի հերթապահ խումբը:
Փրկարարները բացել են բնակարանի դուռը և ննջասենյակում հայտնաբերել 1937 թ. ծնված Ասյա Գրիգորյանի դին:
Հրդեհ` «Պրահա» հյուրանոցում
Այսօր առավոտյան հրդեհ է բռնկվել Երևանի Ադոնցի 19 հասցեում գտնվող «Պրահա» հյուրանոցի տանիքում:
Դեպքի վայր են մեկնել երկու մարտական հաշվարկ և մեկ ավտոսանդուղք:
Տեղում պարզվել է, որ հրդեհը բռնկվել է հյուրանոցի 1-ին հարկում գտնվող շոգեբաղնիքում:
Հրդեհը մեկուսացվել է ժամը 08.10-ին, մարվել` 08.17-ին:
Ամբողջությամբ այրվել է շոգեբաղնիքը՝ 12 քմ, նախասրահի կախովի առաստաղից մոտ 70 քմ հատված:
