ՀՀԿ-ն փուչիկների հարցը անպատասխան է թողել
Հայաստանի դեմոկրատական կուսակցությունը, Հայ ազգային կոնգրեսը և Բարգավաճ Հայաստան կուսակցությունը ներառվել են սև ցուցակի մեջ ժամանակին նախընտրական քարոզարշավի ժամանակ ծախսած գումարների վերաբերյալ գրավոր հարցմանը չպատասխանելու համար. տեղեկացրեց «Ինֆորմացիայի ազատության կենտրոնի» իրավաբան Գևորգ Հայրապետյանը։
Կենտրոնը դատական գործընթաց է սկսել ինֆորմացիա չտրամադրած երկու կուսակցությունների՝ Հայ դեմոկրատական և Բարգավաճ Հայաստան կուսակցությունների դեմ միայն, քանի որ ՀԱԿ-ը իբրև պատասխանող կողմ իրավաբանական անձ չի համարվում որպես դաշինք։
ՀՀԿ-ն թեև այդ հարցմանը պատասխանել է, սակայն լռության է մատնել մեկ այլ հարցում՝ Հանրապետության հրապարակում քարոզարշավի ժամանակ փուչիկների հետ կապված դժբախտ պատահարին վերաբերող։ «Մայիսի 4-ին Երևանի Հանրապետության հրապարակում կազմակերպված միջոցառման համար քանի՞ փուչիկ եք գնել, ձեռքբերման համար ինչքա՞ն գումար է ծախսվել և ո՞ր կազմակերպությունից եք ձեռք բերել փուչիկները»,-հարցման բովանդակությունը լրագրողներին ներկայացրեց Գևորգ Հայրապետյանը ։
ՀՀԿ-ի մամլո խոսնակ Էդուարդ Շահնազարովը նրանց ասել է, թե նրանք նմանատիպ հարցում չեն ստացել։ Հարցումն ուղարկվել է երկրորդ անգամ՝ հունիսի 16-ին, որին պատասխանելու 30-օրյա ժամկետը դեռ չի լրացել։ «Ես կարծում եմ, որ մինչև հուլիսի 16-ը կարող են պատասխանել, հատկապես այս խոսակցությունից հետո»,-նշեց «Ինֆորմացիայի ազատության կենտրոնի» իրավաբանը։
