Կանչել էին կատվին փրկելու (տեսանյութ)
Այսօր ՀՀ Արտակարգ իրավիճակների աշխատողի օրն է։
Տոնը կրկնակի էր հատկապես 8-րդ հրշեջ մասի աշխատակիցների համար, քանի որ
նախատեսված մի շարք միջոցառումների շարքում տեղի ունեցավ նաև Երևանի թիվ 8 հրշեջ մասի նորակառույց շենքի բացման արարողությունը։
Հրշեջների համար կարևոր այս օրվան ներկա էին վարչապետ Տիգրան Սարգսյանը, քաղաքապետ Տարոն Մարգարյանը,ԱԻՆ Նախարարը և այլ բարձրաստիճան հյուրեր:
Այս օրը հրշեջներից ոմանք անմոռաց դարձնելու համար խնջույքներ են կազմակերպում ։ Իսկ ոմանց համար օրը սահմանափակվում է միայն փոքրիկ շնորհավորանքներով։
Չնայած ամենօրյա լարված աշխատանքին փրկարարները զերծ չեն մնում նաև զվարճալի դեպքերից։
«Մի անգամ շտապ կանչ տվեցին գնացինք մի կատու էր իր համար տանիքում վազվզում, երեխաները զանգել էին , թե կատուն չի կարողանում իջնել »,- պատմում է հրշեջ Ֆելյան Ռաֆիկը։
Հրշեջների աշխատանքը կրկնապատկվում է նաև այն պատճառով, որ մեր քաղաքացիներից շատերն են սիրում խորոված պատրաստել։
Սերժանտ Լիլիթ Գափոյանը բացատրում է. «Հիմնականում խորովածի խնդիրն է մի տեղ խորոված են անում զանգահարում են, որ հրդեհ է»։
