A
A
Երեւանը դիմավորեց չեմպիոններին
Համաշխարհային 40-րդ շախմատային օլիմպիադայի եռակի չեմպիոններին` Հայաստանի շախմատի հավաքականին Ազատության հրապարակում դիմավորել են երգ ու պարով:
Մի քանի ժամ առաջ է «Զվարթնոց» միջազգային օդանավակայանում վայրէջք կատարեց նախագահական ինքնաթիռը, որը տեղափոխում էր Հայաստանի Շախմատի տղամարդկանց և կանանց հավաքականներին:
Նրանց դիմավորելու համար օդանավակայան է եկել Սերժ Սարգսյանը։
Հիշեցնենք, որ Հայաստանի շախմատի տղամարդկանց հավաքականը երրորդ անգամ դարձել է համաշխարհաին օլիմպիադայի հաղթող: Իսկ կանանց հավաքականը զբաղեցրել է վեցերորդ տեղը։
Այս պահին ՀՀ նախագահի նստավայրում ի պատիվ օլիմպիական բարձունքը նվաճած Հայաստանի շախմատի հավաքականի անդամների տեղի է ունենում ընդունելություն և պարգևատրման հանդիսավոր արարողություն:
