Բժշկական գովազդի չափորոշիչները՝ պարզեցված
Ազգային առողջապահության ինստիտուտում այսօր կայացավ «Հայաստանի հանրապետությունում դեղերի, բուժտեխնիկայի և բուժական մեթոդների գովազդին ներկայացվող պահանջները» գրքույկի շնորհանդեսը։ Գրքույկը կազմվել է ԱՄՆ միջազգային զարգացման գործակալության ֆինանսավորմամբ և Առողջապահության նախարարության նախաձեռնությամբ։ Այն անվճար բաժանվել է բուժհաստատություններին։
Առողջապահության նախարարության լիցենզավորման գործակալության պետ Արմեն Սողոյանը «Ա1+»-ին հայտնեց,որ գրքույկում բավականին պարզեցված ներկայացված են առողջապահական գովազդ պատրաստելու չափորոշիչները։
Այս գրքույկի լույսընծայումը նպատակ ունի կանխել գովազդի միջոցով սխալ տեղեկությունների տարածումը։
Ըստ Արմեն Սողոյանի՝ հաճախ հեռուստաեթերում հայտնվում է դեղի կամ բուժհաստատության մասին գովազդ, որը ոչ լիարժեք է լինում։
Հիմա արդեն, ըստ օրենքի, կկանխվի իրավաբանական և ֆիզիկական անձանց մոլորեցումը գովազդի միջոցով.« Գործնականում գովազդի թույլատվություն ստանալը առավելագույնս պարզեցված է ,բայց պահանջները որոնք սահմանված են բավականին խիստ պահանջներ են ,այսինքն գովազդատուն պարտավոր է լեզվի մասին օրենքը պահպանել, օրենքով արգելված նյութեր չտեղադրել գովազդի մեջ,որպիսի հետո խնդիրներ չունենան»։
