Հայտնաբերել են անօգնական վիճակում
Նոյեմբերի 4-ին, ժամը 11.01-ին ահազանգ է ստացվել, որ Երևանի Եղբայրության 6 շենքի 14-րդ բնակարանի բնակիչը չի արձագանքում դռան և հեռախոսազանգերին:
Դեպքի վայր է մեկնել հատուկ փրկարարական ջոկատի հերթապահ խումբը:
Ոստիկանների ներկայությամբ փրկարարները բացել են բնակարանի դուռը և խոհանոցի հատակին անօգնական վիճակում հայտնաբերել 1937 թ. ծնված Յուլյա Նեժելյուկային: Վերջինիս շտապօգնության ծառայության աշխատակիցները ցուցաբերել են համապատախան բուժօգնություն:
Փրկարարներն օգնում են անօգնական կնոջը
Նոյեմբերի 4-ին, ժամը 14.45-ին ահազանգ է ստացվել, որ Երևանի Բակունցի 1 շենքի 29-րդ բնակարանի բնակչուհի' 1948 թ. ծնված Ժաննա Սաղոյանը հիվանդ, անօգնական վիճակում ընկած է տան հատակին և նրան ննջասենյակ տեղափոխելու համար անհրաժեշտ է օգնություն:
Դեպքի վայր է մեկնել ՃԿԿ արձագանքման խումբը' պարամեդիկներով:
Փրկարարները Ժ. Սաղոյանին տեղափոխել են անկողին:
Օգնում են փրկարարները
Նոյեմբերի 4-ին, ժամը 20.24-ին տեղեկություն է ստացվել, որ Երևանի Հասրաթյան 29 տան բնակչուհի' 1979 թ. ծնված Թամարա Մինասյանը տառապում է հոգեկան հիվանդությամբ և փակվել է բնակարանում, նրան անհրաժեշտ է ցուցաբերել համապատասխան բուժօգնություն ու դուռը բացելու համար անհրաժեշտ է փրկարարների օգնությունը:
Դեպքի վայր է մեկնել հատուկ փրկարարական ջոկատի հերթապահ խումբը:
Փրկարարները, ոստիկանների ներկայությամբ, բացել են տան դարպասը, իսկ տան դուռը բացել է Թ. Մինասյանի մայրը և աղջկան հանձնել շտապօգնության աշխատակիցների խնամքին:
Անբարենպաստ եղանակային պայմաններ
Նոյեմբերի 4-ին, ժամը 21.43-ին ահազանգ է ստացվել, որ Սևան-Գավառ ավտոճանապարհի 15-րդ կմ-ում «Երազ» մակնիշի 15 ԼՍ 077 պ/հ ավտոմեքենան (3 ուղևորներով' 1 տղամարդ և 2 կին) խափանվել է և եղանակային անբարենպաստ պայմանների պատճառով անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Հրշեջ-փրկարարներն ավտոմեքենայում գտնվող քաղաքացիներին ապահովել են տաք հագուստով և կանչել ավտոքարշակ, որի օգնությամբ ավտոմեքենան տեղափոխվել է մոտակա գյուղ:
Այս մասին հայտնում է ԱԻՆ-ը։
