Երևանյան լիճը երբեւէ կմաքրվի՞ (տեսանյութ)
Երևանյան լիճը վերածվել է իսկական աղբավայրի. այս պատկերը չի զարմացնում լճի մաքրությամբ զբաղվող «Ջրային կառույցներ» ընկերության գլխավոր ճարտարագետին:
«Աղբի խնդիրը միշտ էլ եղել է: Աղբը հավաքել են, մաքրել, բայց ընթացքում էլի թափվել է ջրի մեջ»,- ասաց «Ջրային կառույցներ» ընկերության գլխավոր ճարտարագետ Վաղարշակ Վաղարշակյանը:
«Ջրային կառույցներ» ընկերությունը 2010թ, անգամ աղբահավաք կայան է կառուցել Հրազդան գետի ջրի հետ եկող աղբը հավաքելու համար:
Երևանյան լիճը աղբից մաքրելու համար մեծ գումարներ ու տեխնիկա է անհրաժեշտ: Այս հարցում «Ջրային կառույցներ» ընկերության ճարտարագետը կարևորում է նաեւ բնակիչների ցանկությունը:
Նա նաեւ հիշեցնում է աղբավայրի վերածված Երևանյան լճի կառուցման նպատակը. «Երևանյան լիճը ստեղծվել է ջուր ամբարելու` ոռոգման նպատականերով և քաղաքի միկրոկլիման մեղմելու»:
Ի դեպ, 4-5 ամսվա ընթացքում դատարկված լիճը լցվել է երեկ:
