Պարզապես քնած էր
Նոյեմբերի 19-ին, ժամը 10.59-ին ահազանգ է ստացվել, որ Երևանի Օհանովի 14 շենքի 21-րդ բնակարանի բնակիչը չի արձագանքում դռան և հեռախոսազանգերին:
Դեպքի վայր են մեկնել հատուկ փրկարարական ջոկատի հերթապահ և ՃԿԿ արձագանքման խմբերը:
Մինչ փրկարարների ժամանումը հարազատները բացել են բնակարանի դուռը և ներսում, քնած վիճակում, հայտնաբերել 1927 թ. ծնված Ա. Գրիգորյանին:
Դի Արտաշատի ջրանցքում
Նոյեմբերի 19-ին, ժամը 12.58-ին տեղեկություն է ստացվել, որ Երևանի Արշակունյաց պողոտայի 2-րդ նրբանցքի 4-րդ տան հետնամասում` Արտաշատի ջրանցքում, հայտնաբերվել է դիակ:
Դեպքի վայր են մեկնել հատուկ փրկարարական ջոկատի հերթապահ և ՃԿԿ արձագանքման խմբերը:
Փրկարարները ջրից դուրս են բերել 45-50 տարեկան անձը չպարզված տղամարդու դիակ և հանձնել ոստիկանության աշխատակիցներին:
Այս մասին հայտնում է ԱԻՆ-ը։
