Կանխել են հրդեհը
Նոյեմբերի 22-ին, ժամը 14.55-ին ահազանգ է ստացվել, որ Իսակովի պողոտայում (դեպի Արգավանդ գյուղ) բենզատար ավտոմեքենան բախվել է արգելապատնեշին, առկա է վառելիքի արտահոսք:
Դեպքի վայր է մեկնել մեկ մարտական հաշվարկ և հատուկ փրկարարական ջոկատի հերթապահ խումբը:
Դեռևս չբացահայտված հանգամանքներում «Կամազ» մակնիշի 63 ՕՕ 151 պ/հ բենզատար ավտոմեքենան (վարորդ Ռ. Հովհաննիսյան) Արմավիրի մարզի Արգավանդ գյուղի Մայրաքաղաքային 234 հասցեի (կահույքի սրահ) մոտ բախվել է ճանապարհը բաժանող արգելապատնեշին (տարածքում կան վնասված մալուխներ):
Պատահարի հետևանքով վնասվել է ավտոմեքենայի դիզելային վառելիքի բաքը, կա արտահոսք:
Հրշեջ-փրկարարների հսկողությամբ վառելանյութը դատարկվել է «Կամազ» մակնիշի 49 ՏԼ 635 պ/հ այլ բենզատար, և կատարվել ճանապարհի լվացման աշխատանքներ:
Փրկարարները վթարված ավտոմեքենան դուրս են բերել ճանապարհի երթևեկելի հատված:
Այս մասին հայտնում է ԱԻՆ-ը։
